Pagatinu

Kiko ta Pagatinu?
Aqualectra ta ofresé su klientenan ku ke tin mayor kontrol riba nan konsumo di koriente i awa un produkto nobo: e sistema di Pagatinu. Pagatinu ta un sistema prepago pa awa i elektrisidat ku ta ofresé e posibilidat pa un konsumidó mes disidí ki ora i kuantu koriente i awa e ke konsumí. Un aparato di Pagatinu instalá na bo kas o establesimentu ta brinda bo e posibilidat pa adelantá kumpra koriente (i den futuro awa tambe) i e sistema ta laga bo vigilá ademas mas efektivamente bo konsumo. Den eksterior a tèst Pagatinu ampliamente i e ta un sistema no solamente fásil pa usa, sino ku e ta tene kuenta tambe ku medio ambiente.


Dikon Pagatinu?
Pagatinu ta duna nos klientenan kontrol i propio responsabilidat riba nan konsumo di awa i elektrisidat i ta brinda nan un medio mas efisiente pa vigilá nan konsumo, i asina konservá awa i elektrisidat. Awor ta e konsumidó mes ta disidí kuantu e ke gasta na awa i koriente.


Bentahan di Pagatinu
  • Abo ta kontrolá bo konsumo, komo abo ta disidí ki ora i kuantu awa i elektrisidat bo ta kumpra: na fin di luna no tin faktura. PUNTO!
  • Danki na e meter di Pagatinu bo por chèk na tur momento konsumo di awa i koriente i kuantu bo por konsumí ainda.
  • No mester paga depósito, ni bo no tin gastu di deskonekshon, ni rekonekshon: bo no ta akumulá debe na Aqualectra.
  • Ku Pagatinu bo por baha bo konsumo di awa i elektrisidat i a la bes sostené i konservá medio ambiente. 
Puntonan di benta:  
  • Puntonan di benta di PAGAFASIL.
  • Puntonan di benta di PAGOMATIKO.
  • Ofisina di Aqualectra na Santa Maria, Jan Noorduynweg, i Ofisina di Aqualectra na Santa Rosa, habrí di 08:00 te 15:00 or.
  • Ofisina di Aqualectra na Barber, habrí di 08:00 te 12:00 or i di 12:30 te 15:00 or. 
  • Ofisina di Aqualectra na Otrobanda, na Pater Euwensweg, habrí di 08:00 te 18:00 or.
Tarifanan eksistente:

tarifanan eksistente ku ta aplikabel pa tantu postpago komo e sistema di Pagatinu.
Klik aki pa un tarifanan aktual di koriente i awa

Kon ta apliká e struktura di tarifa den e sistema di Pagatinu?
 
E sistema di Pagatinu ta usa e mesun tarifa ku e sistema postpago. E sistema di Pagatinu ta kuminsá registrá dia promé di kada luna na 0 kWh.
Ora kumpra koriente via Pagatinu, e ta kuminsá na e tarifa mas abou. Segun bo kumpra e kantidat di kWh den mesun luna bo ta bai kai den tarifa mas haltu. Klik aki pa un ehempel kon ta kalkulá bo kompra di Pagatinu)

Si e kantidat di kWh surpasá 250 kWh, e tarifa ta kambia, si e kantidat di kWh surpasá 350 kWh, e tarifa ta bira esun mas haltu, segun e tarifa eksistente.
Na e momentu ku bo ta den e tarifa mas haltu, e sistema ta keda mantené e tarifa aki te na fin di luna. Ora luna bòltu bo ta kuminsá entrante promé dia di luna atrobe na 0, esta e tarifa mas abou. Asina e proseso ta ripití tur luna.
Pues no ta tur ora ku bo kumpra mesun suma na koriente bo ta haña mesun kantidat di kWh den un luna.

Ta rekomendabel pa den mesun luna bo kumpra loke bo ta usa promedio
pa luna, sea den un biaha òf den pida pida.
No ta rekomendabel pa bo kumpra i warda hopi mas koriente debí ku bo
ta paga un tarifa mas haltu.



Informashon General
Por mèldu interupshon na Departamento di Keho di Aqualectra na telefòn 0800-0135.
Pa informashon tokante konekshon i informashon tokante PAGATINU, yama Aqualectra Callcenter na 4632328 /4632329