STRUKTURA DI KOMPANIA

Aqualectra ta operá a base di un sèt di corporate values ku ta enfoká riba e prinsipio ku nos mishon realmente ta nos kliente. Nos tin e responsabilidat di suministrá awa limpi i koriente konfiabel; konstantemente nos ta en buska di solushon nobo i duradero pa kumpli ku e nesesidat kresiente di un Kòrsou ku ta prosperando. 

Kon nos struktura ta?
Aqualectra Holdings ta poseé 100% di e akshonnan di Aqualectra Production, Aqualectra Distribution i Aqualectra Multi Utility, i 49% di e akshonnan di Curaçao Utilities Company (CUC).  100% di e akshonnan ordinario di Aqualectra Holdings ta propiedat di Teritorio Insular di Kòrsou, i nan ta den man di Stichting Implementatie Privatisering òf StIP, e Fundashon pa Implementashon di Privatisashon. Un joint venture di MaruEnergy Caribbean Ltd. i TAQA ta poseé e akshonnan preferensial di Aqualectra Holdings.

 

Nos Hunta di Komisario, nombrá pa akshonistanan di Aqualectra, ta supervisá e maneho ku Gerensia ta hiba.