MANEHO DI AQUALECTRA

Aqualectra ta un kompania di awa i elekrisidat, ku ta enfoká riba kalidat, konfiabilidat i efisiensia i ta komprometé ku prestashon di e kompania, responsabilidat di kompania i kuido di medio ambiente duradero. Nos ta rekonosé e nesesidat di un kuadro di maneho riguroso i dinámiko, ku ta duna feedback inmediato pa kompará prestashon ku e metanan.

Kon ta manehá Aqualectra?
Pa ekselensia di su Planifikashon i Kontrol, Aqualectra ta usa e modelo EFQM.
E Modelo EFQM pa Ekselensia, un kuadro no preskriptivo basá riba nuebe kriterio, ta evaluá progreso pa ekselensia di un organisashon. E modelo ta rekonosé ku tin hopi forma pa logra ekselensia duradero pa loke ta trata prestashon. E modelo ta basá riba e prinsipio ku “Ta logra resultadonan ekselente pa loke ta trata Prestashon, Kliente, Hende i Komunidat, pa medio di un maneho i strategia dirigí pa liderasgo, ku apoyo di Hende, Asosiashon, Rekurso i Prosesonan.

Kua ta nos balornan klave?

Kalidat di suministro di Koriente: - Nos ta mantené nivel di voltahe pa tur nos klientenan, konforme e akuerdo di términonan general; - Nos ta mantené frekuensia di koriente (Hertz) pa tur nos klientenan, meskos ku ta e kaso ku voltahe;	Kalidat di suministro di Awa: - Nos ta tene kuenta ku aspektonan di loke ta salú i loke no ta salú, pa tur nos klientenan, konforme e akuerdo di términonan general;
Konfiabilidat di suministro di koriente: - Pa 2015 nos mester logra un kantidat máksimo di 6 ora di interupshon pa aña pa un kliente promedio;	Konfiabilidat di suministro di awa: - Pa aña 2015 nos mester logra ku inkumplimentu di suministro di awa, debí na fayo di sistema, ta di akuerdo ku e stándart ku nos ta apliká;
Menos peso riba medio ambiente pa loke ta Elektrisidat: - Peso riba Medio Ambiente, konforme nos leinan; - Tendensia pa anualmente baha tur emishon na momento di produkshon;	Menos peso riba medio ambiente pa loke ta Awa: - Peso riba Medio Ambiente, konforme nos leinan; - Tendensia pa anualmente baha tur emishon na momento di produkshon;
Opshon di kosto mínimo pa loke ta Elektrisidat: - Kosto mas abou posibel; - Verifikabel pa medio di datonan di referensia.	Opshon di kosto mínimo Awa: - Kosto mas abou posibel - Verifikabel pa medio di datonan di referensia.

Ki ta nos vishon?
Ekselente suministro di awa i elektrisidat, kompañá pa ekselente servisio, pa kontribuí di forma proaktivo na desaroyo sosioekonómiko di Kòrsou.
P’esei lema di Aqualectra ta: Awa ku bo por konfia i koriente ku bo por konta kuné.

Ki ta nos mishon?
Nos ta garantisá nos klientenan ku for di aña 2015, suministro di awa i elektrisidat na nos komunidat lo ta di un kalidat i konfiabilidat rekonosé na un eskala internashonal, mientras ku na mes momento nos ta mantené tarifanan na un nivel kompetitivo.
Nos lo ta innovador, introdusiendo produktonan adishonal i sistemanan alternativo di produsí i spar energia. Nos kapital humano lo ta desaroyando konstantemente i lo tin e satisfakshon di duna un ekselente kontribushon. Pa logra tur esei, efisiensia i efektividat i garantia di ganashi lo karakterisá nos funshonamentu.

Ki ta prinsipionan básiko di nos maneho?

Tur kas na Kòrsou mester por ta konektá na e ret di distribushon di awa i elektrisidat di Aqualectra;
Nos polítika mester apoyá desaroyo sosioekonómiko di komunidat di Kòrsou;
Tur kliente mester paga tantu pa e suministro komo pa e servisio ku nan risibí;
Suministro di awa i elektrisidat mester ta kompañá pa un nivel aseptabel di servisio.