PROFIL DI KOMPANIA

Aqualectra ta e kompania di utilidat di Kòrsou, responsabel pa produkshon i distribushon di koriente i awa, i tambe pa duna e servisionan korespondiente. Nos ta sirbi mas o ménos 69.000 kas i negoshi, pa medio di 130.000 meter di elektrisidat i awa. Man di obra di Aqualectra ta konsisití di 700 trahadó dediká, kendenan ta forma e kuadro pa entrega di produkto i servisio di kalidat na nos klientenan.

E siguiente departamentunan ta enkargá ku e tarea pa desaroyá maneho- i strategianan di e kompania:
1. Relashon ku klientenan
2. Produkshon
3. Distribushon
4. Finansa & IA/BRC
5. ICT
6. Asuntunan di empresa
7. Komunikashon
8. Asuntunan General
9. Rekursonan Humano i Fasilidatnan

Pa haña un bista di struktura di Gerensia di Aqualectra, mira e organizational chart. 

 

1. Relashon ku klientenan
E unidat di relashon ku klientenan ta realisá tres aktividat operashonal prinsipal, esta:
1.     Atendé kliente i trata tur petishon ku ta relashoná ku konekshon di awa i elektrisidat;
2.     Fakturá uso di awa i elektrisidat, bentanan prepago di elektrisidat i protekshon di loke meternan 
        indiká;
3.     Verifikashon di kobransa, maneho i kontrol di kuentanan pendiente.

2. Produkshon
E unidat di Produkshon ta responsabel pa produkshon di awa di bebe i di energia eléktriko. E unidat ta produsí awa di bebe pa medio di prosesonan di desalinashon di awa di laman, òf evaporashon o pa medio di reverse osmosis i esei ta sosodé na e plantanan na Mundu Nobo i na Sta. Barbara. Na Mundu Nobo ta produsí energia eléktriko pa medio di gas i stom, na Dokweg i ISLA pa medio di unidatnan diesel i ta produsí tambe un kantidat chikí di elektrisidat pa medio di mulina di bientu na Tera Kòrá i Playa Kanoa. Esakinan ta entregá Aqualectra Distribution e awa i elektrisidat ku nan produsí, i na su turno Aqualectra Distribution ta enkargué ku suministro na nos klientenan.

Pa logra e diferente ophetivonan, departamentunan di mantenshon, manera Mantenshon Mekániko & Sivil i Edifisionan i departamentu di Instrumentashon i Aparatonan eléktriko, mester ehekutá e mantenshon segun planifiká, pa logra e produkshon proyektá pa kada unidat. Departamentunan di apoyo, manera Plant Bureau i Laboratorio, mester realisá nan tareanan di apoyo pa optimalisá e operashon i mantenshon. E departamentunan di produkshon mester operá e unidatnan manera indiká den e plan di produkshon, pa logra e ophetivonan di konfiabilidat, utilisashon, kalidat i efisiensia.

Pa un deskripshon ekstenso di nos plantanan di produkshon, por fabor mira e dokumento di Produkshon di Aqualectra.  


3. Distribushon
AQUALECTRA Distribution ta pèrkurá pa tur kas i negoshi na Kòrsou haña awa i elektrisidat.
E unidat di Distribushon ta responsabel pa setup i mantenshon di un ret efektivo di distribushon di Awa i Elektrisidat, ku un nivel garantisá di konfiabilidat, ku ta kumpli ku stándartnan internashonal. E departamentunan di Elektrisidat, Awa, Ingenieria, Kontratashon i Departamentunan di ingenieria pa mehorá negoshi di e empresa, ta kontribuí kada unu na e meta pa kumpli ku e responsabilidat akí.

Pa un deskripshon ekstenso di nos sistema di distribushon, por fabor mira e dokumento di Distribushon di Aqualectra.    
 

4. Finansa & Internal Audit/Business Risk Control (IA/BRC)
E unidatnan di Finansa di Aqualectra Production i Distribution ta responsabel pa suministrá informashon finansiero i ekonómiko di maneho, tantu interno komo eksterno, na Gerensia i organisashon den liña, e unidatnan akí ta duna konseho riba maneho, evaluá i splika informenan anual, manehá almasenamentu i evaluá progreso finansiero di e plan empresarial a largo plaso.

5. ICT
Ophetivonan di departamentu di ICT ta pa duna servsio di ICT di kalidat haltu na e organisashon di Aqualectra. E sistemanan mester apoyá e prosesonan empresarial i hasi posibel pa e kompania traha mas efisiente. E ophetivonan general ku e unidat di ICT ta aspirá ta:

• Kompilá informenan anual i informenan eksterno;  
• Analisá efisiensia di gastunan i kontrolá gastunan;
• Manehá sèn efektivo;
• Maneha payroll;
• Manehá e depósito.

E unidat di Kontrol di Riesgo di e Empresa (Business Risk Control (BRC)) i esun di Kontrol Interno (Internal Auditing) (IA)) ta responsabel pa asisití Hunta di Komisario pa logra e ophetivonan general i prestashon di e kompania, dunando garantia adishonal pa loke ta konserní:

• Konfiabilidat i integridat di informashon;
• Kumplimentu ku maneho di e kompania, plannan, prosedimentunan, leinan, regulashonnan i kontratonan;
• Salvaguardiá propiedat di e kompania;
• Uso ekonómiko i efisiente di rekursonan;
• Logra e ophetivonan establesé pa operashon- i programanan.
• Apoyá di un banda prosesonan gerensial i di kliente i di otro banda e aktividatnan stratégiko i di transformashon di e Kompania;
• Pèrkurá pa henter e infrastruktura di ICT ta optimalmente optenibel, konfiabel i utilisabel;
• Pèrkurá pa e kompania tin tantu un infrastruktura di ICT standardisá i kompatibel i pèrkurá tambe pa e sistemanan ta aplikabel pa tur e kompanianan di trabou di Aqualectra;
• Manehá, kontrolá i karga responsabilidat pa tur invershon den ICT i tambe pa funshonamentu di e infrastruktura- i sistemanan di ICT.

• Apoyá e network
• Fungi komo atministradó di sistema i di database
• Apoyá e workstation
• Desaroyo

Ademas, asuntunan no tékniko manera:

• ICT helpdesk;
• Maneho di aplikashonnan (logistic application)
• Maneho di proyekto
  

6. Asuntunan di Empresa (Corporate Affairs)
Meta di e Departamentu di Corporate Affairs (CA) ta: duna sosten na e kompanianan ku ta operá bou di e nòmber komersial di Aqualectra. E Departamentu akí ta prepará, manehá i asistí den ehekushon i implementashon di formashon di maneho stratégiko di e kompania, relashoná ku e planifikashon stratégiko di e empresa, i tambe e ta optimalisá funshonamentu di e kompanianan.

Na 2001 a lanta e kompania di trabou mas hóben di Aqualectra, Aqualectra Multi Utility (AMU), pa atendé ku klientenan i asina optimalisá i manehá asuntunan di preis/suministro di awa i koriente.
Por parti meta di e unidat akí den e siguiente tres áreanan di atenshon:

• Mantené su parti di merkado i rekuperá klientenan ku ta produsí nan mes elektrisidat i awa.
• Promové ademas un bon relashon ku klientenan.
• Stimulá desaroyo di aktividatnan nobo i asina añadí balor, introdusiendo produktonan nobo pa Aqualectra.
• Stimulá desaroyo ekonómiko, enfokando riba realisashon di un ambiente empresarial benefisioso na Kòrsou. Esaki eventualmente por kondusí na mas entrada, debí na oumento di demanda.
  

Aktividatnan di Departamentu di Komunikashon di Aqualectra ta lo siguiente:

• Ehekutá aktividatnan interno di komunikashon, manera organisashon di seshonnan di informashon i edishon di e revista notisiero ‘Energia’ ku ta sali kada
• Organisá aktividatnan pa personal, manera selebrashon di Aña Nobo i resepshon pa
• Ehekutá aktividatnan eksterno di komunikashon, por ehèmpel tene seshonnan informativo ku stakeholdernan eksterno, update website di e kompania i aktividatnan relashoná ku
• Atendé keho pa henter e organisashon di Aqualectra.
  

8. Asuntunan General
E unidat di Asuntunan General di Aqualectra ta komprometé ku kalidat, salú i seguridat, medio ambiente, vigilansia i maneho di emergensia na Aqualectra.

Aktividatnan di e unidat akí ta inkluí:

• Reforsá i sentra foko di Aqualectra riba kliente i embolbí e personal den proseso di mehoramentu kontinuo, usando konsepto- i stándartnan di EFQM i
• Logra ekselente stándart di salú i seguridat na e kompania i divulgá informashon tokante salú i nos prestashon riba tereno di
• Protehé Aqualectra i empleadonan di Aqualectra kontra influensianan no outorisá i aktividat ilegal (entrada no outorisá, intimidashon, ladronisia, sabotahe, kandela intenshonal, spionahe, vandalismo i destrukshon di propiedat di e kompania). Nos ta tuma e tarea di protehé nos hendenan i propiedatnan di kompania mashá na serio.
• Konvertí Aqualectra den un “kompania resistente kontra desaster”: Traha pa redusí riesgo pa empleado- i propiedatnan di Aqualectra kontra peliger, i desaroyá medidanan efisiente i efektivo pa sa di reakshoná riba kualke desaster i drecha eventual daño.
  

9. Maneho di Rekurso Humano i di Fasilidatnan
E unidat di Maneho di Rekurso Humano (HRM) ta responsabel pa krea i mantené e kuadro- i kondishonnan di Rekurso Humano (HR) ku ta nesesario pa logra metanan di e organisashon.

HRM ta aspirá na logra esei dor di:

• Desaroyá i implementá maneho i instrumento pa Rekursonan Humando (HR), ku ta apoyá realisashon di ophetivonan di e organisashon.
• Guia i apoyá maneho den liña aplikando e maneho i e instrumentonan di Rekursonan Humando (HR);
• Duna informashon relevante di Rekursonan Humando (HR) na gerensia (informashon i indikadornan pa gerensia);
• Desaroyá habilidatnan, konosementu i e aktitut nesesario di personal pa optimalisá nan prestashon;
• Krea kondishonnan pa un ambiente di trabou salú i sigur;
• Desaroyá kondishonnan laboral atraktivo i mantené bon relashonnan industrial;
• Stimulá prestashon guiá pa un kultura dirigí riba servisio, ku un grado haltu di integridat.

• Sigui desaroyá (i implementá):
  - Un HRM integrá i stratégiko;
  - Un maneho i apoyo operashonal di kalidat haltu i proaktivo;
  - Aktitut dirigí riba servisio;
• Oumentá konsientisahon di Rekursonan Humano (HR) riba tereno di maneho den liña;
• Desaroyá riba un base konstante: konosementu, habilidat i aktitut di e kapital humano (mediante kapasitashon i rekapasitashon riba un base kontinuo di nos personal).
  

• Fasilitá gerensia den tareanan (diario) di maneho, pa loke ta trata apoyo sekretarial i servisionan di ofisina;
• Konsehá i fasilitá maneho den liña den tareanan (diario) di maneho pa loke ta trata maneho di dato i informashon;
• Manehá fasilidatnan físiko sivil (espasionan di ofisina, sukursalnan, fasilidatnan deportivo, lugánan di parker) pa Aqualectra;
• Manehá Aqualectra su flota di vehíkulonan.