DAÑO KU A SUFRI

Un kliente ku sufri daño na su propiedat en relashon ku asuntu di suministro di awa o koriente por demandá daño i perhuisio, si ta pa falta di AQUALECTRA. Den kaso di daño na ekipo debí na problema ku voltahe òf fayo di koriente òf na paña, pa motibu di awa brùin, ta ehèmpel di daño na propiedat.


Demanda di daño i perhuisio
Un kliente por presentá na AQUALECTRA un demanda di daño i perhuisio. Un eksperto independiente di daño lo atendé e demanda, pa determiná kousa i embergadura di e daño. Dentro di kuater siman despues di un investigashon, e kliente ta risibí kontesta riba estado di e demanda i tambe si e kliente lo risibí òf nò kompensashon pa e daño ku el a sufri.

E formulario di demanda di daño i perhuisio ta optenibel na tur nos ofisinanan di servisio, na nos Departamento di Relashonnan Públiko i via nos website. E Departamento di Relashonnan Públiko por manda e formulario akí tambe pa pòst o via faks pa un kliente.

Por entregá e formulario kompletamente yená na un di e Balinan di Informashon di AQUALECTRA o na Departamento di Relashonnan Públiko. Ta importante menshoná den e formulario bon kla e fecha i ora di e fayo ku a kousa e daño. Ta importante tambe menshoná riba e formulario e number di telefòn kaminda por lokalisá bo durante ora di ofisina. Lo no prosesá formulario di demanda yená inkorektamente o no kompleto. Despues di presentá e formulario, e kliente ta risibí un kopia firmá komo prueba ku AQUALECTRA a risibié.


Areglo demanda di daño i perhuisio
Despues di presentá e formulario, un eksperto independiente di daño lo atendé e demanda.


Informashon
Pa kualke pregunta tokante entrega di un formulario di demanda òf estado di e formulario ku bo a entregá, bo por yama nos Departamento di Relashonnan Públiko na 462-5968.
Klek aki pa download e formulario di demanda pa daño i perhuisio.