INTERUPSHON DI AWA O KORIENTE NA BO KAS

24 ora pa dia por mèldu problema òf interupshon (di awa o koriente) na nos “Meldkamer” (Departamento di Keho) na: 0800-0135 (grátis).
Si e interupshon ta relashoná ku deskonekshon pa motibu ku un kliente no a paga, nos lo konsehá bo kiko bo mester hasi pa nos bolbe konektá bo na e ret. Si e fayo ta debí na trabou di mantenshon, nos lo informá bo ki ora bo por spera awa i koriente atrobe. Den tur otro kaso nos Storingsdienst lo investigá e fuente i proponé solushon pa e fayo. Si Storingsdienst no por determiná e kousa i remediá e fayo, ta manda un otro tim pa determiná e kousa i remediá e fayo.


Asuntu di voltahe
Den kaso di keho pa loke ta voltahe, esta tenshon di koriente, nos ta mand’é pa nos Storingsdienst, ku na su turno por midi i evaluá mesora e voltahe na e lugá en kuestion. Nos Meldkamer por pasa pregunta tokante voltahe pa e tim ku ta kontrolá kalidat di voltahe di e ret di AQUALECTRA. E tim por disidí di hasi un tèst di midimentu mas ekstensivo (durante 24 ora). Si denter di seis luna no por solushoná e keho, por usa un transformator ku kua por regulá voltahe i kita esei ora solushoná e problema.