Palabra di CEO

Un di e prinsipal instrumentonan di maneho na AQUALECTRA ta su siklo di Planifikashon i Kontrol. Ku e meta akí AQUALECTRA ta apliká e modelo di ekselensia European Foundation for Quality Management (EFQM). E modelo di ekselensia EFQM ta un instrumento práktiko ku por usa di diferente manera:
• Komo instrumento di Outoevaluashon;
• Komo un forma pa Kompará bo organisashon ku otro organisashonnan;
• Komo guia pa identifiká áreanan ku mester Mehorá;
• Komo base pa uso di tèrminonan ku tur esnan envolví ta komprondé, i komo un forma di pensa;
• Komo un struktura pa e sistema di maneho di e organisashon.

Ta ehekutá e proseso di planifikashon akí, dirigí na e metanan determiná di e kompania, tumando na kuenta e diferente kondishonnan i e echo- i riesgonan supstansial envolví.

Prinsipionan di Corporate Governance i Public Governance (Bon Maneho di Empresanan i Bon Gobernashon di parti di Gobièrnu) tambe ta importante i relevante den e sentido akí. AQUALECTRA ta rekonosé i ta respetá e ròl ku Gobièrnu ta hunga, tantu den su kalidat di akshonista, komo den su kalidat di entidat públiko, den aplikashon di maneho na AQUALECTRA. Den e importante tarea akí, Management tambe ta konsiderá komo su obligashon pa, a traves di nos siklo di planifikashon i kontrol, tantu ku ta posibel sostené Gobièrnu i e akshonistanan i Konseho di Komisario di AQUALECTRA, kumpliendo kompletamente i proaktivamente ku tur regla, lei i prosedimentu interno di AQUALECTRA. Den esaki, palabranan klave di AQUALECTRA ta: transparensia, informashon, publikashon i kumplimentu.

Pa e motibu ariba menshoná AQUALECTRA tin e nesesidat pa, for di tempran, diskutí kontinuamente su “kaminda pa futuro’ ku e partinan relevante envolví, pa konosé nan nesesidat-, ophetivo- i motibunan.

Gerensia ta konfia ku e business plan akí ta un paso pa yega na diskushon fruktífero i produktivo tokante e direkshon ku AQUALECTRA ta siguiendo i lo sigui na 2009 i e siguiente añanan.


Na nòmber di Gerensia

A.C. Casperson

CEO Aqualectra