SEGURIDAT PA MUCHA

Koriente ta yuda nos tur dia. Por ehèmpel e ta yuda nos pa nos sinti fresku, prepará nos kuminda i pa nos laba paña. Pero koriente por mata òf kousa leshon serio tambe. Pone atenshon na e siguiente tepnan:
    

• Stèker so ta bai den stòpkòntakt. No hinka nunka otro kos den un stòpkòntakt.
• Pera di lus so ta bai den sòket di pera. No hinka nunka otro kos den un sòket.
• No ranka un waya di koriente pa sak’é for di stòpkòntakt: sino tene na e stèker i ranka esaki for di e stòpkòntakt.
• Waya di koriente kibrá òf di kua ta mira e waya aden ta peligroso. Si bo mira algu asina, no mishi kuné.
• Awa ku koriente no ta kombiná. Pèrkurá pa bo man i kurpa ta seku, ora bo ta mishi ku kosnan eléktriko manera suich i hair dryer.
• Waya di koriente ku a kibra kai abou, por tin koriente ariba. Keda leu di nan.
• Subi fli solamente na un tereno habrí, kaminda no tin waya di koriente eibanda. Si bo fli pega den waya di koriente, avisá un hende grandi. No purba kit’é bo mes o yama 0800-0135 inmediatamente.
• No subi den palu di lus ni den mata grandi serka di waya di koriente.