TEP DI SEGURIDAT PA GRANDINAN

Evitá peliger di koriente na kas, siguiendo e siguiente tepnan fásil:

Waya di koriente i stòpkòntakt

• Pèrkurá pa waya di koriente no ta kaminda hende ta pasa, asina ta evitá trompekamentu.
• Remplasá waya di koriente dañá òf plumá, pa evitá kandela.
• Pèrkurá pa bo stòpkòntakt i suichnan tin tapa, pa evitá ku bo ta haña shòk di e wayanan aden.

Iluminashon

• Pèrkurá pa bo peranan di lus ta di e tipo i e kantidat di Watt korekto. (Si bo no sa kuantu Watt ta 
  korekto, usa un pera di 60 Watt ku ta spar energia òf unu di ménos Watt).
• Remplasá un schemerlamp ku tin pera halogen touchier, pa un ku ta usa pera di tipo ku ta efisiente pa ku energia. E modèlnan halogen ta keinta te 537 ºC (1.000 grado Fahrenheit) i por kousa kandela, si nan bini den kontakto ku material inflamabel.
• Pèrkurá pa for di bo kama bo por alkansá di un forma fásil un suich di lus, pa si bo mester sende lus 
  rápido den anochi.
• Pèrkurá pa bo garashi, trapi i depósitonan ta bon iluminá pa evitá kaimentu.
• Pèrkurá pa na tur momento bo tin un flèshlait di bateria na man.

Aparatonan chikí

• Deskonektá aparatonan chikí, ora no ta usando nan.
• No hinka man nunka den awa pa kohe un aparato eléktriko ku a kai aden. Deskonektá e aparato promé.