TRAINEESHIP

Energia ta e motor di sosiedat i el a bira un nesesidat básiko di bida. Sin energia tur kos ta para. P’esei AQUALECTRA ta aspirá pa suministrá energia konfiabel, pagabel i limpi, awor i den futuro.
Un di e medidanan ku AQUALECTRA ta tuma pa garantisá su funshonamentu den futuro ta pa periódikamente (anualmente) tuma talento hóben den servisio, kendenan, pa medio di un programa di stage e trainee (stagiair) ta haña training i preparashon pa funshonnan klave den management i staf.
 
E programa di stage ta dura 3 aña, durante kua e stagiair ta haña eksperiensha ‘hands on’ i ta sigui un programa di desaroyo personal pa prepar’é pa futuro funshon den management i staf, sea na AQUALECTRA i/o pafó di AQUALECTRA.

Nos ta buska kandidato ku:
• A terminá estudio sekundario, di bachelor òf master (universidat).
• Tin máksimo 1 aña di eksperiensha di trabou.
• Tin bon habilidat komunikativo.
• Tin feeling pa trabou di empresario.
• Tin habilidat analítiko pa solushoná problema i pa planifiká.
• Ta proaktivo, fleksibel, ambisioso, ku atenshon pa kliente i dispuesto pa traha
   den tim.

E kantidat di stagiair ku nos por tuma kada aña ta dependé di nesesidat di e departamentonan.
Bo ta interesá? Manda nos bo karta di solisitut ku bo curriculum vitae.