Aqualectra Header

SISTEMA DI meter INTELIGENTE

DIGITAL • KUMBINIENTE • KONTROL KOMPLETU

A Cleaner Future Card

Meter Inteligente: Sistema nobo kustumber nobo

Meter prepago inteligente ta remplasá sistema di Pagatinu. E sistema nobo akí ta mas fásil pa kontrolá bo uso di koriente. E sistema di rekargá bo kuenta a keda mesun kos. Bo por rekargá bo kuenta na un di e punto di benta di Pagafasil. Na momento ku a instalá bo meter inteligente bo Pagatinu ta stòp di funshoná.
Klek riba e link aki pa bo traha bo sita. Si e pagatinu ta riba bo nòmber bo ta risibí un yama di sentro di kliente pa konfirmá sita i validá bo kuenta. Via di sms bo ta haña bo number di kuenta nobo. E number di kuenta ta konsistí di ocho sifra. E number aki ta importante. Ku e number aki bo ta rekargá bo kuenta.
Den kaso bo ta un hurdó i e Pagatinu no ta bo nòmber, sentro di kliente no por validá e kuenta. E yamada lo ta pa konfirmá sita i despues lo bo risibí un sms ku number di usuario temporal kua bo por rekargá bo kuenta. Una bes ku e meter ta instalá, doño di kas riba ken su nòmber e sistema ta, tin ku bai Sambil pa validá e kuenta i asina e hürdó por haña akseso kompletu na e servisio di Prepago Inteligente.

Aqualectra Smarter Energy for Curacao

Portal Online di meter Inteligente

No pèrdé

Bo number di kuenta ta importante. Ku e number di  kuenta bo ta rekargá bo kuenta di prepago. Warda e number na un kaminda ku bo ta keda kòrda i bo por yega fásil na dje.

A Cleaner Future Card
Aqualectra Smart Metering

Meter Inteligente: asina fásil

  1. Ora nan kaba di instalá bo meter nobo bo por rekargá bo kuenta ku number di kuenta ku bo a risibí via di WhatsApp ora bo a traha sita. Den kaso di hürdó, bo por rekargá bo kuenta ku e number temporal ku bo a risibí via di WhatsApp na momentu di traha sita.
  2. Subi prepago.aqualectra.com i traha bo kuenta. Riba bo kuenta bo por wak kiko bo saldo ta. E servisio akí lo ta disponibel pa hürdó despues ku doño di kas validá e kuenta personalmente na Sentro di Kliente na Sambil.
  3. Una bes den e sistema bo por kambia e montante di notifikashon. Si bo no kambi’e, e sistema ta manda bo un notifikashon ora bo saldo ta Cg5.00.
Step by Step
Asina fásil

Paso a paso

Rekargá bo saldo tur kaminda na tur punto di benta di Pagafasil. 4 Stap simpel:
Bo saldo ta keda rekargá imediatamente, dunando servisio mesora. No mester warda, i sin komplikashon.
Aqualectra ta brinda dos manera kumbiniente pa keda informá tokante bo kuenta di Prepago Inteligente.
Akseso: prepago.aqualectra.com Benefisionan ta inkluí:
  • Monitoriá saldo den tempu real
  • Historia kompleto di pago
  • Statistik i bista di uso diario
  • Alerta di saldo abou personalisá (pone bo propio límite)
  • Maneho seif i aktualisá di kuenta
Laga nos mustra bo kon bo por haña e informashon: Mira e video aki
Nota Importante: Komunikashon via SMS di Prepago Inteligente ta kompletamente gratis. Apesar ku tin gastunan fiho di manda sms, Aqualectra no ta kobra abo komo nos kliente pa e servisio aki.Nos sistema ta tene bo aktualisá outomátikamente. Skohe bo método di notifikashon preferí:
Nos sistema ta tene bo aktualisá outomátikamente. Skohe bo método di notifikashon preferí:
  • Mensahe di teksto via SMS
  • Aktualisashon via Email
Keda den kontrol total i prevení kualke interupshon di servisio inesperá.
Woman using smartphone

Portal Online di Meter Inteligente​

PAKIKO meter INTELIGENTE?

Pronto bo tambe lo bo risibí tur e siguiente benefisionan di Meternan Inteligente, kual ta:

✓ Kontròl kompleto riba gastu. Abo ta desidí eksaktamente kuantu bo ta gasta
✓ Sin sorpresa den bo resibo. Eliminá karganan inesperá na final di luna
✓ Transparensha total. Informashon di uso i saldo den tempu real
✓ Akseso digital 24/7. Manehá bo kuenta tur ora, tur kaminda
✓ Ta stimulá konsumo efisiente. Mira eksaktamente kon bo ta usa servisio
✓ Prevení debe. Pago segun bo uso (pay-as-you-go) ta eliminá debe di fakturashon
✓ Alerta di saldo abou (personalisá bo límite di alerta)
✓ Konfirmashon ora rekargá (verifikashon di pago inmediato)
✓ Aktualisashon di uso i rekordatorio di konsumo
✓ Notifikashonnan importante di servisio

Preguntanan Mas Hasí – Meter Inteligente​

Prepago Inteligente ta un sistema di energia prepagá meskos servisio di telefòn prepagá. Kaminda bo ta kumpra krédito delantá.

Aqualectra ta introdusí Prepago Inteligente komo un paso fundamental pa modernisá nos infrastruktura di energia i awa. E inisiativa akí ta diseñá pa:

  • Krea un grid mas stabil, efisiente i sostenibel pa Kòrsou.
  • Proveé konsumidó ku dato eksakto den tempu real di nan konsumo, i asina eliminá resibu kalkulá.
  • Hasi posibel detekshon i resolushon mas lihé di problema den servisio.
  • Introdusí un plataforma digital ku ta duna klientenan mas kontròl i bista na nan kumbinensia di nan uso di utilidat.

Ku Pagatinu, ora bo kumpra krédito, bo ta risibí un papel ku numbernan ku bo mester hinka den e aparato na kas pa rekargá bo kuenta pa bo haña koriente.
Ku Prepago Inteligente, mes momentu ku bo kumpra krédito na un punto di benta Pagafasil e ta subi bo kuenta i bo tin koriente.

Prepago Inteligente ta traha meskos Pagatinu: Bo ta paga adelantá pa servisio. Segun bo ta usa koriente, bo krédito ta baha. 

Nò. E no ta mas karu. Tarifa di Prepago Inteligente ta basá riba tarifa diario ku ta kambia kada ora.

Bo por kumpra krédito na tur punto di benta di Pagafasil.

Tin dos manera pa chèk bo balansa:

  1. Online:
    Bai na prepago.aqualectra.com i drenta (login) ku bo nòmber di usuario (username ku ta e 10 dígito di bo number di abono) i bo kontraseña (password) ku bo mes a krea. Esaki mester konsistí di mínimo 8 karakter, ku mínimo 1 lèter chikí, 1 lèter kapital, i 1 símbolo spesial òf number.
  2. Vía SMS:
    Manda un SMS grátis na +5999 6858910 ku e palabra BALANCE. Lo bo risibí bo top-up i bo balansa.

Bai na prepago.aqualectra.com i drenta (log in)  ku bo nòmber di usuario (username ku ta e 10 dígito di bo number di abono) i kontraseña (password). Esaki mester konsistí  mínimo 8 karakter, ku mínimo 1 lèter chikí, 1 lèter kapital i 1 símbolo spesial òf number.

Ora bo balansa baha hopi, bo ta risibí un notifikashon. E sistema ta bin programá pa manda notifikashon ora bo saldo ta Cg5.00. Den e portal bo por kambia e montante na kua bo ke risibí notifikashon.

A Cleaner Future Card
Woman using smartphone
Portal Online di Meter Inteligente

KU SERVISIO DI METER INTELIGENTE

Ku Meternan Inteligente, bo ta haña resibu eksakto den tempu real, no tin mas kalkulashon òf kontrol di meter manual dor di personal di Aqualectra, Lo lesa di forma outomátiko for di distansha na Aqualectra, mihó kontrol di bo uso di energia, i pronto e fasilidat di manehá tur kos online. E ta mas ku un upgrade, e ta un manera mas inteligente, sostenibel pa suministrá Kòrsou. Laga nos tira un bista riba e benefisionan ku lo bo disfrutá di dje.

Aqualectra Footer