Bon Biní!

Aqualectra ta introdusí su ret di meternan digital i inteligente di awa i koriente komo parti di proyekto Advance Metering Infrastructure (AMI).

AMI ta un ret di distribushon inteligente ku ta basá riba un teknologia fundamental ku ta birando un stèndert den industria di utilidat. E proyekto AMI tin un durashon di mas o ménos 3 aña. Durante e periodo aki Aqualectra lo kambia tur meter di awa i koriente na Kòrsou. Aqualectra ta hasi uzo di e téknologia di AMI ku e meta prinsipal pa mehorá servisio na kliente i yuda Aqualectra operá di forma mas efektivo.

Dikon AMI?

• Ta tempu pa kambia Kòrsou su infrastruktura di meter
• Pa eliminá falta di informashon den e sistema di Aqualectra (meter ta duna informashon inkorekto, eliminá meternan ku no ta den uzo, remplaso di meternan bieu i prevenshon di ladronisia)
• Pa duna mihó servisio na kliente
• Na momentu ku koriente kai afó, AMI ta yuda Aqualectra detektá e motibu mesora di forma ku por restourá esaki
• E ta yuda ku mantenshon preventivo di e ekiponan kual lo resultá den stabilidat mas haltu di koriente mas lihé

Klientenan ku ta monitoriá konsumo propio di awa i koriente riba un base mensual por ‘download’ i hasi uzo di e registro digital aki

 

Ta rekomendabel
pa suskribí na

MiKuenta ta e portal ‘online’ di Aqualectra ku ta fasilitá kada kliente ku tur informashon relevante tokante di uzo di awa i koriente.

Unabes un kliente registrá i subi riba su portal di MiKuenta e tin:

• Akseso na su resibu di awa i koriente ‘online’;
• Historia di tur transakshon i pagonan;
• Análisis di uso di awa i koriente;
• Maneho di tur kuenta na Aqualectra for di un punto sentral.

Bishitá mikuenta.aqualectra.com i suskribí na MiKuenta awe mes!