ERGONOMIA
Den e kolumna aki lo pone atenshon na algun punto ora ta traha na un mesa hasiendo uso di un kòmpiuter.
Ora nos ta lesa for di un pantaya:
• E grandura di e teksto mester ta grandi sufisiente.
• E klaridat di e pantaya mester ta bon ahustá.
• Den kaso di klaridat ku ta reflehá di tal manera ku ta stroba lesamentu riba e pantaya mester por evitá esaki, dor di kambia lugá di e pantaya òf evitá e klaridat di lusi riba e pantaya (zonwering).
Keyboard, Muis, Trackball etc.:
• E keyboard mester ta na e distansia korekto. E usadó no mester rèk pa yega na e keyboard
• Usa e posishon korekto
Stul i e posishon korekto:
Kurpa humano di naturalesa tin algun posishon di sosiegu ku nos órganonan ta pisa ménos riba otro. Por ehèmpel ora di sinta e garganta i e kolumna vértebral mester ta riba un liña di manera e kurpa por karga e peso di e kabes bon. Motibu pa kual e stul i e posishon korekto ta hopi importante.
• E lomba di e stul mester ta stret pa sostené e lomba di e usadó. Tambe e stul mester tin sostenedó pa e mannan, di manera ku e skoudernan ta keda relahá.
• E wowo mester ta riba mes un altura ku tòp di e pantaya i na un distansia mínimo di 50 cm for di e pantaya.
• E pia abou mester keda abou na flur sin ku e stul ta primi patras di e pia na altura di e rudia. Laga un espasio di masoménos 10 cm entre e stul i patras di e rudia . Si e pia ta keda kologá mester pone un sosten (voetensteun). E huki entre e rudia mester ta 90 grado.
• Despues di 2 ora kontinuo tras di kòmpiuter, mester lanta hasi algu otro (p.e. file un dokumento, saka kopia etc.) pa duna e wowo un sosiegu i kambia e posishon di e kurpa.