Bon Biní!

Aqualectra ta introdusí su ret di meternan digital i inteligente di awa i koriente komo parti di proyekto Advance Metering Infrastructure (AMI).

Manehá bo uzo di awa i koriente mihó ku AMI!

Aqualectra ta introdusí su ret di meternan digital i inteligente di awa i koriente komo parti di proyekto Advance Metering Infrastructure (AMI). Implementashon di e sistema avansá di AMI ta nifiká ku awor por tin komunikashon entre e meternan inteligente (di meter pa meter) i tambe komunikashon entre e meternan inteligente i Aqualectra mes direktamente via un nètwèrk di radio frekuensia. Di e forma aki Aqualectra ta risibí tur data relevante pa por funshoná optimalmente.

E proyekto AMI tin un durashon di mas o ménos 3 aña. Durante e periodo aki Aqualectra lo kambia tur meter di awa i koriente na Kòrsou.
Aqualectra ta hasi uzo di e téknologia di AMI ku e meta prinsipal pa mehorá servisio na kliente i yuda Aqualectra operá di forma mas efektivo.

Dikon AMI?

• Ta tempu pa kambia Kòrsou su infrastruktura di meter
• Pa duna mihó servisio na kliente
• Pa eliminá falta di informashon den e sistema di Aqualectra
• Pa eliminá ladronisia
• Pa yuda Aqualectra detektá e motibu mesora na momentu ku koriente kai afó, di forma ku por restourá esaki mas lihé
• Pa yuda ku mantenshon preventivo di e ekiponan kual lo resultá den stabilidat mas haltu di koriente

Benefisionan di AMI pa e kliente:

• AMI ta yuda e kliente detektá lèkazje di awa i oumento apnormal den konsumo
• E infrastruktura di AMI ta diseñá pa yuda detektá koriente di alto voltahe promé e yega kas òf negoshi i kima òf daña aparatonan elektróniko• E meternan inteligente ta sòru pa presishon di resibunan
• E meternan inteligente ta yuda e kliente manehá uzo di awa i koriente mihó i mas konsiente
• No mester di muchu molèster pa hasi kambio di un òf otro servisio. Pronto klientenan lo por manda un petishon digital i Aqualectra ta hasi e kambio mesora ‘online’

Preguntanan frekuente AMI

  1. Kiko ta hasi e meter inteligente diferente for di e meter bieu?

E diferensia prinsipal ta ku e meter inteligente ta registrá i manda e informashon di forma digital i ‘wireless’ bèk pa Aqualectra, eliminando e nesesidat pa un hende bishitá bo kas òf negoshi mensualmente pa kolektá informashon di e meter. Ademas, e meter inteligente ta kolektá informashon di uzo i tambe di voltahe ku mas presishon i regularidat.

  1. Meternan inteligente ta duna informashon korekto?

Komo ku meternan inteligente ta digital, nan ta midi konsumo ku mas presishon kompará ku meternan analog. Alabes, Aqualectra ta tèst e meternan riba un base regular pa konfirmá un operashon sólido.

  1. Mi mester ta preokupá pa ku e ret ‘wireless’ ku lo keda instalá pa komunikashon ku e meternan inteligente aki?

Miyones di meternan inteligente a keda instalá den e último 10 añanan. E emishonnan anual di RF (Frekuensia Radial) i eksposishon humano di uso di telefòn selular ta mas o ménos 1,000+ bia mas tant uku esun di e meter inteligente.

  1. Kiko ta e meta di AMI?

Aqualectra ta hasi uzo di e téknologia di AMI ku e meta prinsipal pa transformá i mehorá operashon i servisio na kliente. Ta hasi esaki aworakí ku implementashon di fase 1 di e proyekto di AMI, kual ta remplaso di e ret di distribushon analog ku tin aktualmente na Kòrsou. Ta remplasá tantu meter di awa komo koriente, pa meternan digital i téknikamente avansá.

  1. Kon e proseso pa instalá e meter di AMI ta presis?

Esaki ta enserá ku empleadonan lo pasa promé na kas pa inspekshoná e área kaminda e meter analog ta. Nan ta kontrolá e instalashon pa wak sim ester hasi un òf otro reparashon promé ku instalá e meter inteligente. Den kaso ku mester hasi reparashon, lo plania esaki i informá e kliente debidamente. Finalmente lo kita e meter analog i instalá e meter inteligente.

  1. Kon largu implementashon di e proyekto ta dura?

E proyekto ta planeá pa dura mas o ménos 3 aña. Lamentablemente tin un skarsedat di meter inteligente di koriente mundialmente. Esaki por afektá implementashon di e proyekto.

Klientenan ku ta monitoriá konsumo propio di awa i koriente riba un base mensual por ‘download’ i hasi uzo di e registro digital aki.

Meter inteligente di koriente
Meter inteligente di awa
Inspekshon di instalashon meternan inteligente

Ta rekomendabel
pa suskribí na

MiKuenta ta e portal ‘online’ di Aqualectra ku ta fasilitá kada kliente ku tur informashon relevante tokante di uzo di awa i koriente.

Unabes un kliente registrá i subi riba su portal di MiKuenta e tin:

• Akseso na su resibu di awa i koriente ‘online’;
• Historia di tur transakshon i pagonan;
• Análisis di uso di awa i koriente;
• Maneho di tur kuenta na Aqualectra for di un punto sentral.

Bishitá mikuenta.aqualectra.com i suskribí na MiKuenta awe mes!