KONDISHONNAN REKERÍ NA ORGANISASHON I PROSESO DI SELEKSHON PA DONASHON ‘DANKI NA BO’
Klientenan di Aqualectra ta risibí e oportunidat pa hasi un donashon na un proyekto karitativo ku e montante ku Aqualectra a kalkulá spesífikamente komo kompensashon den kuadro di e kampaña ‘Danki na Bo’.
Organisashonnan ku ta aktivo den e siguiente areanan, por entregá un petishon pa donashon pa un proyekto:
- Hubentut;
- Deporte;
- Arte i Kultura;
- Medio ambiente.
Un petishon mester kumpli ku e siguiente kondishonnan:
- E motibu dikon ta entregá un petishon pa un donashon òf pa finansiá un proyekto;
- Un relato aklaratorio ku splikashon tokante e ophetivo, e grado ku e proyekto lo kontribuí na komunidat òf grupo di enfoke, i e manera ku lo ehekutá e proyekto spesífiko aki;
- E presupuesto di e proyekto spesífiko aki;
- E siguiente dokumentonan:
- Statüt di e organisashon òf fundashon;
- Prueba di inskripshon na Kámara di Komèrsio;
- Reportahe (inkluso reportahe finansiero) di aña pasá (2019 tambe por)
Nota: E fecha pa por entregá bo petishon a vense riba dia 30 di Aprel 2021.
Un komishon di evaluashon apuntá dor di Aqualectra lo selektá e proyektonan karitativo ku por bini na remarke.
E kantidat di organisashon ku por bini na remarke pa un donashon ta dependé di e haltura di e montante ofresé komo donashon na kada area spesífiko.